Во Холандија може да се игра фудбал и со 12 играчи? (видео)

На првенствениот натпревар меѓу Утрехт и Ајакс во холандската прва лига, во еден момент домашната екипа играше со 12 играчи.
Фудбалерот на Утрехт, Дуплан, во 25. минута од натпревар беше заменет бидејќи побара лекарска интервенција поради повреда. Во тој момент тренерот Роби Афлен во игра внесе друг играч мислејќи дека Дуплан не може да го продолжи натпреварот.
На негово место влезе Оар, но Дуплан закрепна по лекарската интервенција, никој не му кажа дека е заменет и со благослов од судијата Пол ван Бекел се врати на теренот.
Ниту судијата не забележи нешто, но по неколку секунди игра, играчите на Ајакс му сугерираа на главниот судија дека Утрехт игра со 12 играчи.
Дуплан со чудење го напушти теренот, а потоа и Роби Афлен го убеди дека тој, всушност, е заменет.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.