Се ближи НБА плејофот, Шампионот Сан Антонио влегува во препознатлив ритам

Синоќа во НБА лигата беа одиграни 11 натпревари.
Актуелниот првак Сан Антонио кон крајот на регуларниот дел од сезоната (остануваат уште шест натпревари) покажува шампионски амбиции. Играчите на Грег Попович како и секоја година пред почетокот на плејофот влегуваат во препознатливата форма. Синоќа настрада тимот на Денвер кој беше поразен со вискои 30 поени разлика (123-93).
Со оваа победа Сан Антонио го собори сопствениот рекорд со најмалку 50 победи по ред и веќе 16 години не е под оваа граница.
Дени Грин со 21 поен и 6/6 зад линијаѕа за три поени беше најдобриот играч на мечот и вистинско изненадување за противничкиот тим. Со оваа победа, Сан Антонио речиси го потврди шестото место во Западната конференција, но во последните шест натпревари ќе се обиде да се искачи и погоре бидејќи второпласираниот Хјустон е на само две победи предност.

Кошаркарите на ЛА лејкерс едвај чекаат да дојде крајот на оваа НБА-сезона, најлоша за „езерџиите“ во последните триесетина години. Синоќешниот дуел на домашен терен против Портланд значеше и 55. пораз на лејкерси сезонава, откако тимот од ЛА загуби со убедливи 77-107.

Слична судбина како ЛА лејкерс доживува и тимот на Њујорк никс, кој на синоќешниот дуел со Вашингтон (101-87) го претрпе својот 62. пораз оваа сезона. Новиот неуспех беше најавен уште во првата четвртина што Вашингтон ја доби со 30-10, па иако Њујорк подоцна ја намали предноста, сепак немаше сили за целосно да се врати во мечот.

Резултати:
Мемфис – Оклахома сити 100-92, Сакраменто – Њу Орлеанс 95-101, Сан Антонио – Денвер 123-93, Чикаго – Детроит 88-82, Минесота – Орландо 84-97, Бостон – Милвоки 101-110, Бруклин – Торонто 114-109, Индијана – Шарлот 93-74, Вашингтон – Њујорк 101-87, ЛА лејкерс – Портланд 77-107.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.