Се менува Правилникот за да се подобри мрежата на мобилните оператори

Агенцијата за електронски комуникации најавува измени во Правилникот за квалитет на мрежи со кои се очекува подобрување на квалитетот и намалување на бројот на поплаки од граѓаните.

Во Правилникот меѓу другото ќе се бара од мобилните оператори да овозможат мрежно покривање со мобилен интернет на сите регионални и магистрални патни правци низ државата.

– Воошто не сме задоволни од квалитетот на мрежите на сите три мобилни оператори. Имаме Правилник за квалитет на мрежи кој од вчера е во фаза на менување. Нашето барање ќе биде секаде да има минимум два мегабити во секунда мобилен интернет. Тоа што сега го имаат нашите корисници како искуство е дека може да ги користат услугите од мобилен интерент само во градовите, но не и надвор од градовите. Со новиот правилник ќе наметнеме сите главни патишта да имаат мобилен интернет минимум трета генерација на мобилен интернет, појасни директорот на АЕК – Роберт Ордановски.

Тој додаде дека постојано имаат поплаки од граѓаните за квалитетот на мрежата што ја нудат мобилните оператори.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.