Деструктивностите на Зоран Заев нема да решат ниту еден локален или комунален проблем, нема да решат ниту еден државен проблем туку напротив само носат поделби и деструктивност во Македонија, а можат да избркаат и некоја странска инвестиција од земјата. Овие деструктивни прес-конференции на Заев не ги интересираат граѓаните, нив ги интересира секојдневието, истакна Владимир Ѓорчев од ВМРО-ДПМНЕ во гостувањето во вестите на Сител телевизија.
Во врска со големиот народен собир на ВМРО-ДПМНЕ што ќе се одржи денеска во Штип тој истакна дека очекувањата на ВМРО-ДПМНЕ е да испратат пораки до граѓаните, оние пораки кои што наидуваат на поддршка, а тоа е дека граѓаните ги интересира секојдневието, решавањето на проблемите, она на што ВМРО-ДПМНЕ за разлика од СДСМ и Зоран Заев е фокусирана.
-Тоа се прашањата поврзани со нови фабрики, нови работни места, зголемување на стандардот, решавање на комуналите проблеми. Јас и пратеници од ВМРО-ДПМНЕ изминативе неколку седници посетивме стотици села и граѓаните ги интересираат асфалтирање, улично осветлување, водоводи, канализации, рече Ѓорчев.
Ѓорчев најави дека на утрешниот собир дека ќе има најава на нови проекти.
-Ние за разлика од СДСМ и Заев сме сконцентрирани на овие пораки, тоа се главните пораки кои што ќе ги упатиме утре, истакна Ѓорчев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
