Кредиторите бараат да се штеди, Атина фрли најмалку 2 милиони евра во ветер

И покрај тоа што Грција има уште најмногу десетина дена да најде пари да ја плати следната рата од долгот и да избегне банкрот, тоа не беше пречка денеска во Атина на скап настан да продефилираат огромен борј грчки војници и возила во чест на Денот на независноста.

Свеченото дефиле на армиските припадници и техниката – според извори во грчкото министерство за финансии и градот Атина – чини најмалку 2 милиони евра.

Дел од трошоците се дадени за организирање на настанот, за изградба на неколку бини, за телевизискиот пренос, за физичко обезбедување во кое биле вклучени и приватни агенции, за гориво за воената техника и авионите, а тука не се пресметани средствата кои што се изгубени поради сообраќајниот хаос што настанал во главниот град на Грција.

Вкупната индиректна цена на настанот може да дојде и до 4 милионни евра, тврдат извори блиски на опозициската Неа Демократија, која што сега го критикува Ципрас за воената парада, а во свое време правеше уште поскапи дефилеа.

Во знак  на протест, на свечената ложа – изградена специјално за странските дипломати – денеска не се појавиле неколку амбасадори од земји важни партнери на Грција во ЕУ и НАТО.

Земјите кои што досега дадоа над 24о милијарди евра сметаат дека на Грција нема да и помогнат популизам и загревање на национални емоции, туку само реформи и кратење на државните трошоци.

Вкупниот долг на Грција се движи околу 370 милијарди евра, а тој наместо да се намалува се зголемува од месец во месец. На почетокот на април Атина треба да плати околу две милијарди евра достасани долгови кон кредиторите, а до крајот на летото таа сума ќе изнесува 6,7 милијарди евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.