Германската влада формираше кризен штаб по вестта за падот на авионот на компанијата „Џерман вингс“ на француските Алпи, јави дописникот на МИА од Берлин.
Министерот за надворешни работи Франк – Валтер Штајнмаер ја потврди веста за инцидентот и најави дека посебен истражен тим ќе замине на местото на несреќата и ќе ги анализира сите детали поврзани со трагедијата, во која покрај 45 шпански државјани најголем број од патниците се Германци.
Шефот на дипломатијата порача дека Германија е во блиски контакти со француските власти на кои им се заблагодари за поддршката. Претходно францускиот претседател Франсоа Оланд телефонски разговарал со канцеларката Ангела Меркел.
Нискобуџетната авиокомпанија „Џерман вингс“ е дел од националната компанија Луфтханса чии стотици летови беа откажани минатата недела поради штрајкот на пилотскиот синдикат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
