Рома конечно им се врати на победите, Наполи повторно киксна на свој терен (видео)

Екипата на Рома успеа да слави победа на гостински терен против Чезена минимално со 1-0 со голот на Даниеле Де Роси во 41 минута од натпреварот. Постот на Рома од пет натпревари без победа конечно прекина, но се чини дека сега е доцна бидејќи Јувентус и бега на „Римската волчица“ дури 14 бодови во борбата за скудетото.

За разлика од Рома, Наполи и во четвртиот последователен настап во Серија А лигата неможе да се израдува на победата. Вечерва избраниците на Рафа Бенитез не успеаја на домашен терен да ја совладаат Аталанта која иако си играч помалку поради исклучувањето на Гомез во 55 минута успеа да постигне гол во 72 преку Пинила. До крајот на мечот наполитанците извлекоа бод со голот на Запата на една минута до крајот на регуларниот дел.
Со овој бод Наполи падна не четвртото место на табелата.

Napoli vs Atalanta (1-1) Full Highlights 22/03… by englandpremierleague

Киксот на Наполи го искористија Сампдорија и Лацио кои рутински славеа победи над Верона односно Интер.
Лацијалите уште во првиот дел постигнаа два гола за нови три бода и победа од 2-0, додека избраниците на Синиша Михајловиќ кои играат како препородени во пролетниот дел од сезоната минимално но сосема заслужено славеа над Интер со евроголот од слободен удар на Едер.

Резултати Италија:

Чезена – Рома 0-1, Лацио – Верона 2-0, Наполи – Аталанта 1-1, Сампдорија – Интер 1-0, Удинезе – Фиорентина 2-2, Парма – Торино 0-2, Јувентус – Џенова 1-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.