Оливие Жиру проработе и му донесе на Арсенал значајни три бода (видео)

Арсенал попладнево на гостувањето кај Њукасл освои значајни три бода за зацврстување на третото место на табелата во Премиер лигата победувајќи со 2-1.

Јунак за гостите од Лондон беше францускиот интернационалец Оливие Жиру кој беше критикуван во претходните дуели поради лошата форма и проблемот со реализацијата. Тој денеска постигна два гола уште во првиот дел најави лесна победа. Така не мислеше Њукасл кој постигна гол на самиот почеток од второто полувреме и најави дека со сите сили ќе тргне на голот на Арсенал. Создаде уште неколку одлучни шанси, но на голот денеска беше расположениот Оспина кој ги скроти со низа одлични интервенции во самиот финиш.

Newcastle United 1 – 2 Arsenal All Goals and… by ViralDailyTV

Тотенхем славеше над Лестер со 4-3, меч на кој хет-трик постигна Хари Кејн, додека Астон вила загуби на домашен терен од Свонси со 0-1, со голот на Гоми во 87. минута.

Резултати Премиер лига:

Манчестер сити – ВБА 3-0, Астон вила – Свонси 0-1, Њукасл – Арсенал 1-2, Саутемптон – Барнли 2-0, Стоук – Кристал палас 1-2, Тотенхем – Лестер 4-3.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.