Фарел Вилиајмс предизвика хаос во ОН

Американскиот музичар Фарел Вилијамс вчера предизвика вистинска збрка во Обединетите нации.

Ретко можат да се видат и слушнат таква галама и ентузијазам во салата на Генералното собрание на ОН, во која по повод 20 март, Меѓународниот ден на среќата, место делегати седеа деца.

Како што пренесуваат американските медиуми, популарниот пејач во светската организација дошол за да предупреди на опасноста од климатските промени.

Штом го завршил својот говор од разгласот во салата се слушнала песмата „Happy“ и повеќе десетици млади луѓе и деца потрчале кон Вилијамс за да направат селфи фотографии.

За да не дојде до турканици морале да интервенираат припадници на обезбедувањето на ОН.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.