Драма во Шведска – вооружени лица влегле во ресторан, убиле најмалку две лица (видео)

Неколку лица се повредени во престрелка во ресторан во југозападниот шведски град Гетеборг доцна синоќа, соопшти полицијата.

Шведскиот весник „Афтонбладет“ објави дека се убиени најмалку две лица, јави ДПА.

Спорeд полицијата, во престрелката е користено автоматско оружје. Во тек е истрага за инцидентот. Засега не се објавени повеќе детали.

Престрелката се случила во предградие на вториот по големина град во Шведска, каде што се регистрирани случаи на насилство поврзано со криминални банди, истакна портпаролката на полицијата, додавајќи дека е рано да се прават претпоставки за мотивите.

– Апсолутно ништо не наведува на тероризам – истакна портпаролката на полицијата.

Според очевидци, двајца мажи влегле во ресторанот и отвориле оган од автоматско оружје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.