Игуаин со хет-трик му донесе значајна предност на Наполи, Волфсбург со пресврт дојде до победата (видео)

Вчера на стадионите ширум Европа беа одиграни првите натпревари од осминафиналето од второто по ранг клупско натпреварување на стариот континент, Лига Европа.
Од осум натпревари на дури шест славеа домаќините, еден меч заврши нерешено, а само Севија успеа на гостински терен да слави во шпанското дерби против Вилјареал.

Во терминот од 18 часот Зенит со 2-0 го совлада Торино и обеззбеди солидна предност пред реваншот. Витсел и Кришито беа стрелци на головите за домаќините, а гостинскиот играч Бенаси им ја олесни работата заработувајќи црвен картон уште во 28 минута.

Во терминот од 19 часот за одбележување е победата на Волфсбург од 3-1 над италијанскиот гигант Интер на кого ова му беше прв пораз оваа сезона во Лига Европа. Интер поведе со голот на Паласио уште во шестата минута, но домаќините кои оваа сезона играат фантастично успеаја до крајот на мечот да дојдат до целосен пресврт и да постигнат три гола. Првиот гол го постигна Налдо израмнувајќи на 1-1 уште во првото полувреме, за да во вториот дел на сцена стапи најдобриот играч на Волфсбург оваа сезона Де Бруин со два погодока во 63 и 76 минута.

Wolfsburg vs Inter 3-1 All Goals and Full… by enteritament

Во останатите два меча од 19 часот, Бриж истотака со пресврт славеше против Бешикташ на домашен терен од 2-1, а Днипро минимално успеа да победи со 1-0.

Во вечерниот термин од 21.05 часот јунак за Наполи беше аргентинскиот напаѓач Гонзало Игуаин кој постигна хет-трик и му донесе на својот тим значајна предност во победата од 3-1 против Динамо Москва пред реваншот.
И на овој натпревар прво поведоа гостите со голот на Кевин Курањи уште во втората минута.

All Goals & Highlights – SSC Napoli vs Dinamo M… by themostscorers

Во останатите три натпревари Евртон славеше Гудисон Парк со 2-1 против Динамо Киев, во италијанскиот двомеч Фиорентина и Рома одиграа 1-1, а единствената гостинска победа ја оствари Севилја во шпанскиот дуел против Вилјареал од 1-3.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.