Војната во Сирија држи повеќе од 80 проценти од населението во сиромаштија

Поради војната во Сирија, 80 проценти од населението живее во сиромаштија, се вели во извештај на Сирискиот центар за политички истражувања. Извештајот е поддржан од ОН.

Во него се констатира дека поради војната Сирија има загуби од 200 милијарди долари и е намален живототниот век за 20 години.

Речиси три милиони Сиријци загубиле работа поради конфликтот, невработеноста е 57,7 проценти.

Над 3,33 милиони Сиријци живеат надвор од државата, а други 1,5 милион ја напуштиле државата во потрага по работа. Сириската војна однесе живот на 210.000 луѓе, ранети се најмалку 840.000.

Според сателитски снимки, 83 проценти од територијата нема струја, а најпогоден е северниот сириски град Алепо каде што ноќе 97 проценти од градот тоне во мрак.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.