Промоција на дигиталната едиција на добитниците на наградата „Браќа Миладиновци“ на Струшките вечери на поезијата (СВП) ќе биде промовирана денеска во 11 часот, во просториите на Градската библиотека „Браќа Миладиновци“ во Скопје.
Станува збор за дигиталната едиција на 50 наслови од 39 автори, кои за својот поетски придонес се наградени со најпочитуваната и најпосакувана поетска награда во Република Македонија – наградата „Браќа Миладиновци“, за најдобра поетска книга меѓу две изданија на Струшките вечери на поезијата.
Промоцијата ќе биде збогатена со музичка изведба на Тони Арслан (виолина), Љупчо Трајановски (виола) и Дејан Цветковски (виолончело), како и со актерска интерпретација на Николина Кујача и Томе Витанов, кои ќе читаат стихови од наградените автори.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
