Спасувачка драма во Полска: 19 рудари заробени во окно по синоќешниот земјотрес

Полските спасувачки екипи се обидуваат да ги спасат 19-те рудари што синоќа останаа заробени во рударските јами на рудниот „Рудна“ по земјотресот што го погоди југозападниот дел на Полска.

– Сите рудари се живи. Спасувачките екипи ископаа тунел за да пристапат до нив, а од утрово се извлекуваат на површина – изјави за „Ројтерс“ Дариус Виборски, портпарол на компанијата КГХМ која управува со рудникот.

Каква е нивната здравствена состојба сѐ уште не е познато. Рудникот се урнал по земјотресот што го погодил регионот Шлезије во близина на границата со Германија и Чешка, синоќа во 22.09 часот по локално време.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.