Димитров: Трибините на ГДОМ имаат цел да го разгорат огнот на непокор кај Македонците (видео)

Граѓанското движење за одбрана на Македонија вечерва одржува трибина во Гостивар. На оваа тема во вестите на „Канал 5“ гостуваше Бранислав Димитров.

На прашањето зошто Гостивар е одбран како продолжение на серијата на трибини низ Македонија, Димитров вели дека Гостивар е еден од многуте градови каде што ќе одат и ќе ја отвораат темата Македонија.

-Овде не се работи за политика, ние ги повикуваме сите други граѓани. Нашата цел е да се одбранат основните базични принципи на една држава кои што се секогаш исти, универзални, без разлика на политичките разлики. Ова го разбираме како еден дијалог и комуникација. Македонците се древни души, македонскиот народ има вековна меморија и поминувал низ вековите, низ страшни премрежја. Овие трибини имаат цел тој оган на непокор да го разгорат– изјави Димитров.

Целиот разговор погледнете го во видеото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.