Синот на Михаел Шумахер ќе вози Формула 4

Синот на легендарниот германски Формула 1 возач Михаел Шумахер, Мик, тргна по стапките на својот татко и веќе во наредната сезона ќе вози во Формула 4 шампионатот.

Петнаестгодишниот Мик потпиша договор со холандската екипа “Ван Амерсфорт“, чиј сопственик Фриц Ван Амерсфорт изјави дека синот на Михаел го заслужил местото во екипата, благодарение на неговиот талент и возачки способности.

Младиот Шумахер минатата сезона настапуваше во картинг шампионатот на Германија, каде заврши како втор во генералниот пласман.

Мик своето деби во Формула 4 шампионатот треба да го има на 25 и 26 април во Осхерслебен во Германија, само неколку дена откако ќе наполни 16 години.

Неговиот татко Михаел е најуспешниот возач во историјата на Формула 1 со седум шампионски титули.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.