ГДОМ од Куманово: Бараме конечно македонскиот народ да постигне единство

Граѓанското движење за одбрана на Македонија на трибина во Куманово, по трибините во Штип, Велес, Битола. Професорката Виолета Ачковска, една од основачите за ГДОМ, за вестите на Канал 5 истакна дека сите проблеми внатрешни во државата треба да се решаваат во рамки на институциите.

-Опозицијата треба да се врати во парламентот и во негови рамки да води дијалог и да се решаваат сите внатрешни македонски проблеми. Погубно е некој од надвор да повикуваме и да ги решава нашите проблеми, бидејќи со тоа покажуваме дека ние како народ немаме државотворност. Бараме конечно македонскиот народ да постигне единство и консензус за главните национални приоритети, тоа е името и идентитетот кои не смеат да се продаваат така лесно, вели Ачковска.

Ачковска вели дека граѓаните масовно пристапуваат кон движењето бидејќи, како што посочи сите ја сфатиле пораката дека е потребно единство.

-Ние сега треба да ја сочуваме Македонија од сите надворешни посегања кои прават обид да ја дестабилизираат нашата држава. Тоа е нашата основна порака, додава професроката.

Во Граѓанското движење за одбрана на Македонија членуваат историчари, научници, професори, новинари, глумци и други интелектуалци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.