Кандидатот за градоначалник на Охрид од коалицијата „За подобра Македонија“ Никола Бакрачески, ги претстави проектите посветени на сообраќајната инфраструктура во која сега не доликува на туристички центар каков што е Охрид. Веднаш по превземањето на функцијата градоначалник ќе ја мотивира локалната администрација итно да обезбедат услови за ребаланс на буџетот за 2013 година и да се подготви документација за работа на неколку инфраструктурни проекти и тоа: реконструкција и надградба на улиците „Питу Гули“ со краците на истата улица, улицата „Абас Емин“, улицата „Мирче Ацев“, улицата „7 ноември“, улиците и краците „Радојца Новичиќ“ и улицата „Живко Чинго“.
– Секако дека активно ќе интервенираме и на другите улици па затоа ќе изградиме и пешачка патека и патеки за велосипедисти на улицата Асном, познатата и опасна „110-ка“ за што во програмата предвидуваме три милони денари од Буџетот на Општината, ќе изградиме и тротоари на улицата „Ристо Чадо“ за безбедно движење за што се предвидени 6.1 милион денари во Програмата. Исто така ќе инвестираме 12.5 милиони денари за изградба на пешачка патека Охрид-Рача –Св.Стефан, рече Бакрачески.
Тој ја обвини досегашната локална самоурава дека долги 8 години ги заборавиле реалните инфраструктурни потреби и проблеми на охриѓани, трошејќи го времето за креирање детални урбанистички планови и креирање начини за експериментирање со паркинг-просторите низ градот.
-Немањето интервенции во последните четири додини доведе Охрид да остане без најважниот елемент – убаво уредени, асфалтирани улици и безбедни улици и тротоари, забележа Бакрачески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
