Оклахома со петта победа во низа, ЛА Клиперс ги декласираше Сакраменто (видео)

Трет ден по паузата поради ол-стар викендот во НБА лигата се одиграа само пет натпревари.

Расел Вестбрук беше незапирлив за Шарлот носејќи го својот тим до нова победа, петта во низа. Бекот на Оклахома постигна 33 поени десет асистенции и седум скока за победа од 110-103.

ЛА Клиперс ја остварија најубедливата победа изминатава ноќ во НБА лигата славејќи против Сакраменто со 126-99, на дуелот во кој блескаа Остин Риверс и Џеј Џеј Редик. Остин постигна 28 поени, што е негов рекорд во кариерата, додека Редик стигна до 24 поени.

Резултати: Шарлот – Оклахома 103-110, Мајами – Њу Орлеанс 91-105, Чикаго – Феникс 112-107, Хјустон – Торонто 98-76, ЛА Клиперс – Сакраменто 126-99.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.