Тројца италијански скијачи загинаа а четвртиот е во критична состојба откако во швајцарските Алпи ги затрупала лавина, соопшти локалната полиција додавајќи дека петтиот скијач е полесно повреден.
Петтемина Италијанци се скијале на граничниот дел на алпите меѓу Швајцарија и Италија кога попладнето во саботата на преминот Гран Сен-Бернар во јужниот швајцарски кантон Вале ги затрупала лавина, соопшти полицијата.
Сите скијачи биле пронајдени живи, но за жал тројца им подлегнале на повредите во хеликоптерот со кој требало да бидат префрлени во локалната болница, изјави портпаролот на полицијата Жан-Мари Борне. Додаде дека неповолните временски услови, силниот ветер и густата магла ја отежнале потрагата по настраданите.
Извор: Макфакс
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
