Антиќ и другарите со пораз го започнаа вториот дел од сезоната (видео)

Атланта Хоукс, лидерот во источната конференција и вториот тим во НБА лигата по паузата за ол-стар викендот ги продолжи натпреварите во вториот дел од сезоната со висок пораз на домашен паркет од еден од конкурентите за највисок пласман оваа сезона тимот на Торонто со 80-105.
Перо Антиќ одигра слаб натпревар постигнувајќи само пет поени и два скока за нешто повеќе од девет минути игра.
И покрај овој пораз Антланта останува лидер во Источната кофенренција, додека тимот на Торонто со четирите победи по ред останува на второто место зад Атланта.
Вилијамс и Дерозан беа најзаслжуни за гостинската победа со 26 односно 21 поен, додека кај домаќините ниту еден кошаркар немаше своја вечер. Најдобрите стрелци од првиот дел од сезоната Милсап, Тиг и Корвер постигнаа по 11 коша.

Во вториот дерби натпревар на истокот, Кливленд со својата 15 победа во 17 натпревари го декласираше Вашингтон со убедливи 127:89. Победата беше осигурана уште во раната фаза од натпреварот, а Леброн Џејмс за само 25 минути поминати на теренот успеа да постигне 28 поени. Кајри Ирвинг беше стрелец на 25 коша и со оваа победа и скор од 34-22 Кливленд се искачи на четвртото место во Источната конефернција поминувајќи го на табелата токму тимот на Вашингтон.

Дербито во Западната конференција му припадна на најдобриот тим во лигата Голден Стејт Вориорс кој успеа да слави над актуелниот шампион Сан Антонио со 110:99.
Стеф Кари со 25 поени и 11 асистенции и Клеј Томпсон со 20 поени беа лидери на Голден Стејт (43-9) додека најдобри кај Спарси, за кои сите 13 играчи кои настапија се запишаа во листата на стрелци, најефикасни со по 12 поени беа Кавај Ленард и Арон Бејнс.

Резултати:

Орландо – Њу Орлеанс 95-84, Филаделфија – Индијана 95-106, Атланта – Торонто 80-105, Детроит – Чикаго 100-91, Њујорк – Мајами 87-111, Минесота – Феникс 111-109, Вашингтон – Кливленд 89-127, Далас – Хјустон 111-100, Милвоки – Денвер 89-81, Јута – Портланд 92-76, Сакраменто – Бостон 109-101, Голден Стејт – Сан Антонио, 110-99, Лос Анџелес Лејкерс – Бруклин 105-114.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.