Двајца цивили беа убиени минатата ноќ при напад по стапувањето во сила на прекинот на огнот меѓу украинските сили и проруските сепаратисти во источна Украина.
Раководителот на проукраинската администрација во Луганск, Генадиј Москал, соопшти дека двајцата цивили загинале нешто по полноќ при напад со ракетен систем „Град“ врз центарот на градот Попасна во Луганската Област.
Украинските власти соопштија дека сите судири на линијата на фронтот запреле околу три часот по локално време (два часот по средноевропско време). Иако и по ова се забележани изолирани инциденти, според Киев, примирјето во целина се почитува.
Договорот за прекин на огнот меѓу украинските сили и проруските сепаратисти во источна Украина стапи во сила синоќа на полноќ по локално време (23 часот по средноевропско време).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Ужасно е да се носи облека на човек кого го убивме пред 20 минути-oвој детал доведе до разоткривање на бруталното убиство на Кашоги
-
Објавени нови детали за убиството на Кашоги: Само некој кој зема хероин би го направил тоа
-
Убиство во семејство со македонско потекло во Швајцарија
-
Американски рапер убиен во престрелка
