Далас успеа да слави по едно продолжение, Голден Стејт супериорно во Медсион Сквер Гарден (видео)

Синоќа во НБА лигата беа одиграни седум натппревари, а најинтересен беше дуелот во Далас каде домашната екипа по едно продолжение и целосен пресврт успеа да слави победа над еден од главните конкуренти за плејофот во западната конкуренција тимот на Портланд со 111-101.

Дирк Новицки беше лидер во својот тим со 25 поени, вклучувајќи ја и тројката во финишот од регуларниот дел со која го одведе својот тим во продолжение. Во дополнителните пет минути Чендлер Персон погоди три удари од поле и ја поправи лошата серија од првите 48 минути игра (4-13).
Далас со серија од 11-0 успеа да ја стопи негативата и на крајот заслужено да слави победа.
Кај поразените од Портланд се истакна Олдриџ со 25 поени и 14 скока.

Голден стејт експресно се рехабилитираше од поразот во дербито против Атланта, па синоќа славеше убедливо на гостувањето во Њујорк (92-106). „Воините“ постигнаа по 32 поени во првите две четвртини и стигнаа до одлична предност, што му овозможи на тренерот Кер во финишот да ги одмори своите клучни играчи. Кари постигна 22, а Грин 20 поени за Голден стејт, кој останува тим со најдобар скор на „западот“, со 40 победи и само девет порази оваа сезона.

Резултати: Њу Орлеанс – Чикаго 72-107, Вашингтон – Бруклин 114-77, Њујорк – Голден стејт 92-106, Филаделфија – Шарлот 89-81, Далас – Портланд 111-101 (по прод.), Милвоки – Бостон 96-93, Јута – Сакраменто 102-90.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.