Вистински спортски егоздус го зафати ракометниот клуб Металург, а редовите на македонскиот шампион го напуштија дузина влијателни играчи.
Од почетокот на кризата што го тресе Металург, од редовите на тимот од Автокаманда си заминаа Дарко Станиќ, потоа и Павел Атман, Борозан, Циндриќ, Липовина, Марсениќ и Коциќ. Тоа е првиот бран што најави дека во Металург има сериозни проблеми пред се од финансиски аспект.
Тогаш сѐ уште постоеше надеж дека клубот ќе ја преброди кризата, но најновите заминувања и тоа во голем бран најавуваат уште потешки денови за Металург. По завршувањето на Светското првенство во Катар квартетот репрезентативци Наумче Мојсовски, Ванчо Димовски, Велко и Никола Марковски добија исписници, а во последниот бран заминувања се најдоа и Филип Миркуловски, Дејан Манасков, Гоце Георгиевски, Ацо Јоновски и веројатно и Ренато Вугринец. Го нема на тренинзи и натпревари ниту Ѓукиќ. Состав за респект и тим што го водеше Металург до најголемите успеси и титули во домашното првенство, но и до две четвртфиналиња во Лигата на шампионите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
