Наташа Петровиќ, македонска актерка на црвениот тепих на Берлиналето

Ма­ке­дон­ска­та актер­ка На­та­ша Пе­тро­виќ (26) не­стрп­ли­во го че­ка 12 фе­вру­а­ри, за ко­га е за­ка­жа­на пре­ми­е­ра­та на неј­зи­ни­от нов филм „Ели­ксир“, кој е гер­ман­ско-ав­стра­ли­ска ко­про­дук­ци­ја. Свет­ска­та пре­ми­е­ра на фил­мот, чиј­што ре­жи­сер е мла­ди­от Ав­стра­ли­ец Бро­ди Хигс, е на Бер­лин­ски­от филм­ски фе­сти­вал, кој оваа го­ди­на ќе се одр­жи од 5 до 15 фе­вру­а­ри, а фил­мот ќе се при­ка­же во про­гра­ма­та „Перс­пе­кти­ва на гер­ман­ски­от филм“. Фил­мот се сни­ма­ше ток­му во Бер­лин, па от­та­му и оче­ку­ва­ње­то е уште по­го­ле­мо. Про­гра­ма­та е по­све­те­на на пр­ви­те фил­мо­ви на мла­ди ре­жи­се­ри. За уба­ва­та Пе­тро­виќ ова не­ма да би­де пр­во учес­тво на Бер­ли­на­ле. Во 2011 го­ди­на таа учес­тву­ва­ше во про­гра­ма­та „Шу­тинг старс“ (Ѕвез­ди во по­дем) ка­де што се пре­зен­ти­ра­ат но­ви­те филм­ски ѕвез­ди со фил­мот „Ка­ко да ме не­ма“, кој се сни­ма­ше во 2007 го­ди­на. Ток­му за уло­га­та во тој филм Пе­тро­виќ ја до­би на­гра­да­та за нај­до­бра мла­да актер­ка во 2011 го­ди­на на Ин­тер­на­ци­о­нал­ни­от филм­ски фе­сти­вал во Си­етл.

Мла­да­та штип­јан­ка теч­но збо­ру­ва не­кол­ку ја­зи­ци, ме­ѓу кои и гер­ман­ски, ита­ли­јан­ски, шпан­ски и че­сто по­ра­ди та­лен­тот и уба­ви­на­та ја спо­ре­ду­ва­ат со ле­ген­дар­на­та актер­ка Ин­грид Берг­ман.

Наташа Петровиќ ја толкува улогата на Ле­кси­ја, лик што е под­го­твен да на­пра­ви сѐ во име­то на љу­бо­вта и на при­ја­телс­тво­то

Во фил­мот „Ели­ксир“,чи­ја­што пре­ми­е­ра е на 12 фе­вру­а­ри на Бер­лин­ски­от филм­ски фе­сти­вал во рам­ки­те на про­гра­ма­та „Перс­пе­кти­ва­та на гер­ман­ски­от филм“, ја тол­ку­ва­те уло­га­та на Ле­кси­ја, бо­сан­ска бе­гал­ка. Мо­же ли да ни ка­же­те не­што по­ве­ќе за ли­кот?

ПЕТРОВИЌ: Инс­пи­ри­ран од на­дре­а­лиз­мот ка­ко пра­вец, Ан­дре Бре­тон ка­ко не­гов прет­став­ник и не­го­во­то де­ло „Над­ја“,ре­жи­се­рот Бро­ди Хигс,за­ед­но со кос­це­на­рис­тка­та Ања Ва­тро­ба, го соз­да­ле ли­кот на Ле­кси­ја. Ле­кси­ја е лик за кој ни­кој не знае ко­ја е,од ка­де до­а­ѓа ни­ту ка­де оди,лик што е под­го­твен да на­пра­ви сѐ во име­то на љу­бо­вта и на при­ја­телс­тво­то, но и лик што не е под­го­твен да се при­фа­ти се­бе­си и сопс­тве­ни­те стра­во­ви.

Да­ли сте воз­бу­де­ни пред пре­ми­е­ра­та? Ова не­ма да Ви би­де пр­во учес­тво на Бер­лин­ски­от фе­сти­вал. Што оче­ку­ва­те од фил­мот?

ПЕТРОВИЌ: Во 2011го­ди­на бев дел од про­гра­ма­та „Шу­тинг старс“,ко­ја е дел Бер­лин­ски­от филм­ски фе­сти­вал, но го­ди­на­ва запрв­пат го­сту­вам со филм што ќе ја има сво­ја­та свет­ска пре­ми­е­ра ток­му во Бер­лин,„Ели­ксир“,ка­де што пред точ­но ед­на го­ди­на и се сни­ма­ше.Се раз­би­ра де­ка сум воз­бу­де­на. Се­ко­гаш е воз­буд­ли­во ко­га прв­пат ќе има­те шан­са да го ви­ди­те крај­ни­от про­дукт на не­што на што сте ра­бо­те­ле. Искре­но се на­де­вам де­ка ќе има­ме уба­ва пре­ми­е­ра и де­ка сме на­пра­ви­ле до­бар филм.

Се­ко­гаш е воз­буд­ли­во ко­га прв­пат ќе има­те шан­са да го ви­ди­те крај­ни­от про­дукт на не­што на што сте ра­бо­те­ле

Вие сте ед­на од нај­ан­га­жи­ра­ни­те ма­ке­дон­ски актер­ки на филм­ско­то плат­но. Глу­ме­вте во „Сен­ки“, „Со­ба со пи­ја­но“, „До бал­чак“, а го­ди­на­ва Ве оче­ку­ва­ат и пре­ми­е­ри­те на „Ла­зар“ и на „Све­док“. Да­ли сте не­стрп­ли­ви да ги ви­ди­те пре­ми­е­ри­те на два­та фил­ма?

ПЕТРОВИЌ:Искре­но се на­де­вам де­ка ќе ус­пе­ат пост­про­дук­ци­ски да се за­вр­шат и два­та фил­ма го­ди­на­ва и да до­жи­ве­ат пре­ми­е­ра.Се­ка­ко де­ка сум не­стрп­ли­ва да ги пог­лед­нам, а во­ед­но би би­ла и,на­ви­сти­на,мно­гу среќ­на ко­га  би мо­же­ла да за­о­кру­жам три филм­ски пре­ми­е­ри за го­ди­на­ва, што во­ед­но и сме­там де­ка би би­ло го­лем ус­пех за ме­не ка­ко млад актер.

Вра­бо­те­на сте во Те­а­та­рот за де­ца и за мла­дин­ци во Скоп­је, а во опе­ре­та­та „Оли­вер Твист“ чув­ме и де­ка од­лич­но пе­е­те. Си­те уло­ги во прет­ста­ви­те Ви се иск­лу­чи­тел­но за­бе­ле­жи­тел­ни. Да­ли бе­ше ви­стин­ски по­тег ан­га­жи­ра­ње­то во Те­а­та­рот за де­ца и за мла­дин­ци?

ПЕТРОВИЌ: Ве­ќе две го­ди­ни сум дел од ти­мот на Те­а­та­рот за де­ца и за мла­дин­ци.Мно­гу сум среќ­на што сум дел од ед­на ва­ква пре­крас­на еки­па жед­на за ра­бо­та и ко­ја се­ко­гаш без­ре­зерв­но се вло­жу­ва во тоа што го ра­бо­ти.Бла­го­да­ре­ние на бо­га­ти­от ре­пер­то­ар што го има Те­а­та­рот за де­ца и за мла­дин­ци, има­ме мож­ност по­сто­ја­но да се срет­ну­ва­ме со пуб­ли­ка од раз­лич­на во­зра­ст, а тоа ја пра­ви и воз­бу­да­та по­го­ле­ма се­ко­гаш ко­га се игра­ат прет­ста­ви­те. Со са­мо­то тоа што сум за­до­вол­на и среќ­на во сре­ди­на­та во ко­ја ра­бо­там, мо­жам да ка­жам де­ка сум на­пра­ви­ла ви­стин­ски по­тег.

Ангажманот во Театар за деца и младинци е вистински потег

Збо­ру­ва­те теч­но по­ве­ќе ја­зи­ци. Да­ли Виго­дат комп­ли­мен­ти­те ко­га Ве спо­ре­ду­ва­ат со Ин­грид Берг­ман за та­лен­тот и за уба­ви­на­та?

ПЕТРОВИЌ: Ин­грид Берг­ман е ед­но од култ­ни­те актер­ски ими­ња и мис­лам де­ка се­ко­му би му го­де­ло ко­га би го спо­ре­ди­ле со не­кој што има оста­ве­но та­ков пе­чат во филм­ска­та ин­ду­стри­ја, а со тоа,нор­мал­но,де­ка и ме­не ми го­ди.

Ка­ко са­ка­те да се раз­ви­ва Ва­ша­тафилм­ска ка­ри­е­ра со ог­лед на тоа де­ка ве­ќе има­те искус­тво во стран­ски ко­про­дук­ци­ски фил­мо­ви?

ПЕТРОВИЌ: Имам мно­гу идеи за тоа ка­ко и што би ра­бо­те­ла во ид­ни­на, но не­ка­ко се оби­ду­вам да не пла­ни­рам прем­но­гу би­деј­ќи се­ко­гаш е по­воз­буд­ли­во ко­га ра­бо­ти­те се слу­чу­ва­ат спон­та­но.

Кој е след­ни­от про­ект на кој ра­бо­ти­те?

ПЕТРОВИЌ: Сèуште не би мо­же­ла офи­ци­јал­но да ка­жам кој е про­е­ктот на кој след­но ќе ра­бо­там, но се на­де­вам де­ка на­бр­гу ќе има­ме мож­ност по­втор­но да по­раз­го­ва­ра­меза тоа.

Раз­го­ва­ра­ше: Але­ксан­дра М. Бун­да­лев­ска

Фо­то: Але­ксан­дар Ива­нов­ски

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.