Долгот за членарина на Република Македонија е намирен и не ѝ е одземено правото на глас во ООН, нагласи заменик-министерката за надворешни работи Драгана Кипријановска одговарајќи на прашањето од пратеничката Роза Топузова – Каревска на денешната собраниска седница посветена на пратенички прашања.
Топузова-Каревска не беше задоволна од одговорот и посочувајќи дека е пропуштен и двегодишниот дозволен прериод на пречекорување, побара некој да ја понесе одговорноста за направената штета по угледот на Република Македонија.
Таа праша и дали Владата е запознаена со информациите дека од Република Македонија за 10 години се испумпани 5,4 милијарди долари нелегални пари, а само 520 милиони долари се изнесуваат во проесек, на годишно ниво.
На ова прашање одговори министерот за финансии Зоран Ставрески, кој истакна дека цитираниот извор од страна на пратеничката не е најрелевантен, но сепак ќе треба да се провери, а одговорот Топузова - Карева ќе го добие дополнително.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Надворешниот долг за шест месеци пораснал за речиси милијарда евра
-
Нобеловата награда за мир ќе остане во рацете на Аунг Сан Си Чи, нема да и се одземе и покрај извештајот на ОН
-
ОН повика да се поднесуваат пријави за кршење на човековите права во Македонија
-
Советот за безбедност при ОН усвои резолуција за 30-дневно примирје во Сирија
