Познат идентитетот на возачот кој прегази девојче кај Велес

МВР излезе со официјално соопштение за синоќешната несреќа, во која животот го загуби четиригодишно девојче. Вчеравечер во 20.20 часот во нас. Превалец-Велес непознато лице управувајќи автомобил непозната марка удрило во пешак, 4-годишно женско дете од с. Горно Јаболчиште, кое со својата мајка Л.З.(37) чекале такси-превоз. Детето е пренесено во ЈЗУ Велес каде што е констатирана смрт.

По преземени мерки во врска со настанот, приведен е Е.М.(28) од с. Горно Оризари, а во утринските часови е пронајдено и возилото „голф 2” со велешки регистарски ознаки, кое возачот го оставил на патот кон село Фојница, општина Чашка.

По наредба на јавен обвинител, телото на починатото дете е предадено на обдукција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.