Десет загинати, 21 повреден во база на НАТО во Шпанија

Грчки борбен авион Ф-16 се урна на пистата во базата на НАТО во Лос Љанос, во југоисточна Шпанија, при што загинаа осум француски и двајца грчки војници, а беа повредени 21 војник, соопшти шпанскиот премиер Мариано Рахој.

Меѓу повредените има 11 италијански и десет француски војници. Петмина повредени се со тешки изгореници, а другите се на лекување во градот Албасете, во близина на базата.

Француските власти, пак, соопштиле дека загинале осум француски пилоти, а шест механичари биле тешко повредени.

Несреќата се случила кога за време на полетувањето грчкиот авион загубил притисок и се урнал во хангар во кој имало паркирано авиони што учествувале во вежба на НАТО. Во несреќата биле оштетени најмалку пет авиони и неколку хеликоптери.

Генералниот секретар на НАТО Јенс Столтенберт изразил длабоко жалење поради трагедијата, која „го погоди целото семејство“ на Атлантскиот сојуз.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.