Пол Пирс во друштво на легендарните тројкаши од клубот „2000“ во НБА лигата (видео)

Синоќа во најквалитетната кошаркарска лига во светот НБА беа одиграни пет натпревари на кои целосна доминација имаа домашните екипи.

Ветеранот Пол Пирс на гостувањето кај Портланд кој неговиот тим Вашингтон го загуби мечот со 103-96 ја одбележа вечерта со рекорд во неговата кариера и приклучување во друштвото на легендарните тројкаши во НБа лигата. Тој ја постигна 2000.тројка во својата карирера и сега е само четвртиот кошаркар на кого му успеало тоа, покрај Реџи Милер, Реј Ален и Џејсон Тери.
Ламаркус Олдриџ кој ја одложи операцијата на прстот од ногата беше предвидник за Портланд со 22 поена, а добра партија пружи и Лилард со 20 коша.
Кај Вашингтон се истакна Џон Вол со 25 поени, а рекордерот Пирс додаде 19.

Шарлот ја забележа деветата победа на последните 11 натпревари откако синоќа славеше на домашен терен против Њујорк во еден неефикасен натпревар со 76-71. Детроит загуби на гостувањето кај Милвоки со 101-86, но се чини дека Пистонс повеќе ќе жалат за повредениот Брендон Џенингс отколку за поразот.

На останатите натпревари Мемфис ја совлада Филаделфија со 101-83, а доминацијата на домашните екипи ја надополни Јута, која славеше против Бруклин со 108-73.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.