ФИБА Европа го прогласи Хрватот Дарио Шариќ, играч на Анадолу Ефес, за најдобар млад играч на стариот континент за 2014 година.
Вторпат во својата кариера Шариќ е добитник на оваа титула, а претходно тоа им успеало само на Јонас Валанчиунас и на Рики Рубио.
За разлика од овие двајца, ова на Шариќ му успеа две години по ред. Минатата сезона кошаркарот со неговиот поранешен тим Цибона успеа да ја освои АБА- лигата, а учествуваше и на Светското првенство за својата земја. На мундијалот тој просечно постигнуваше по 11,7 поени и 6,7 скока, што беше доволно да направи трансфер во турскиот гигант под водство на Душан Ивковиќ.
На НБА-драфтот е избран како 12. пик од Орландо, но веднаш е испратен во Филадефија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
