Барселона со голот на Меси го победи Атлетико во шпанскиот куп (видео)

По големата нервоза кај двата тима, каталонскиот гигант сепак победи со голот на Меси откако беше досуден пенал во 85 минута. Аргентинскиот ас го изведе ударот од белата точка, но голманот на Атлетико Јан Облак, успеа да го одбрани ударот, кратко ја одби топката во поле на која налета Меси и ја смести во мрежата.
Ова е 22.гол на Меси против „Јорганџиите“ од Мадрид и тие се тимот на кој Меси му дал најмногу голови. Реал Мадрид и Севилја до сега примија по 21.
Тренерот на Атлетико Диего Симеоне ја постави истата игра како против Реал Мадрид, со цврста одбрана и брзи контра-напади да проба да го загрози голот на Барселона. Тоа им успеваше се до досудениот пенал.
Реваншот се игра за седум дена на Висенте Калдерон, а Атлетико ќе има прилика на домашен терен да се реваншира и да се пласира во полуфиналето.

Barcelona vs Atletico Madrid 1 – 0 All Goals… by retrosport

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.