Хрватска има моќна репрезентација, каде и резервите играат на високо ниво, што впрочем го презентираа против Иран кога го декласираа противникот со 19 гола разлика. Надежите на „огнените“ просто летаа на теренот, што ја покажува разноврсноста и потенцијалот на Хрватска, кој е огромен.
Филип Ивиќ бранеше извонредно и прокнижи 19 одбрани, шанса добија и Степанчиќ, Карачиќ, Хорват, Слишковиќ… и сите максимално добро ја искористија.
„Задоволни сме од прикажанато, а верувам дека прични за задоволство има и селекторот. Натпреварите во Б групата одат во очекуваната насока и мечот со Македонија ќе одлучува за првото место. Имаат широчина во составот, но предност ни е што имаме повеќе искуство со настапи на големите натпреварувања“, вели Степанчиќ.
Засега и двете репрезентации имаат максимален учинок и по 6 бода на врвот на табелата, а со Хрватска играме утре од 17 часот. Последен меч во првата фаза ни е против Австрија задутре.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
