Во Индонезија синоќа беа егзекутирани шест лица, осудени на смртни казни поради трговија со дрога.
Кусо по полноќ на различни локации беа застрелани четворица мажи, од Малави, Бразил, Нигерија и Холандија и две жени, една Виетнамка и една Индонезијка.
Ова се првите смртни пресуди од почетокот на мандатот на претседателот Џоко Видодо во октомври минатата година. Тој одби да ги помилува шестмината обвинети, како и уште 60 други лица со смртни пресуди за трговија со дрога.
„Амнести интернешнл“ ја нарече егзекуцијата чекор назад за човековите права во земјата.
Бразил и Холандија ги отповикаа своите амбасадори во Џакарта, како знак на протест поради одбивањето на претседателот да им излезе во пресрет на нивните молби за помилување на нивните државјани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
