Сончев ден на стартот на продолжениот викенд. Според Метеопро, денот ќе биде сончев во повисокиот дел од земјава, но и во гевгелиско-дојранскиот и охридско-преспанскиот крај. Во поголем дел од котлините претпладне и навечер се очекува појава на слаба магла. Денот ќе помине речиси без ветер.
Минималната температура ќе има вредност околу -5°С низ котлините, а на повисоките места околу -2°С. Минимална околу 0°С се очекува во гевгелиско- дојранскиот крај.
Максималната температура ќе има вредност околу 6°С низ поголем дел од котлините низ земјава. На југоисток максималната ќе достигне вредност околу 13°С. На повисоките места максималната температура ќе има вредност околу 10°С.
Во скопската котлина се очекува претежно сончево време со услови за појава на слаба магла претпладне и навечер. Минималната температура ќе се „спушти“ до -7°С. Дневниот максимум на температурата на воздухот ќе достигне вредност околу 5°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
