Нова провокација од хрватската претседателка: Србите во Хрватска се Хрвати! (ВИДЕО)

Новоизбраната претседателка на Република Хрватска, Колинда Грабар Китаровиќ, во интервју за босанската телевизија БХТ1, кое треба да биде емитувано, им порачала на Србите во Хрватска дека тие се всушност Хрвати.

Како што пишуваат српските медиуми, објаснувајќи зошто за време на кампањата на граѓаните и граѓанките на Хрватска им се обраќала со „драги мои Хрвати и Хрватки“, таа кажала:

– Според мене Хрват е и оној кој е со православна вероисповед и кој е Србин по националност. Хрват во смисла на хрватски државјанин – изјавила новата хрватска претседателка.

Таа во интервјуто зборувала и за тоа како ги гледа односите меѓу Хрватска и БиХ, Србија, Република Српска, како и со другите држави во регионот. Истакнала дека Србија треба да ја признае независноста на Косово.

– Мислам дека Србија треба да го признае независно Косово. Тие мора да сфатат дека Косово повеќе не е дел од Србија- рекла Грабар Китаровиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.