Имотот и браковите на Роман Абрамович

Роман Абрамович е петтиот најбогат човек во светот, со богатство од 9,5 милијарди долари. Абрамович живее во Велика Британија, има 7 деца, а неговата девојка Даша Зукова е позната моделка во Русија. Тој е сопственик на фудбалскиот клуб Челси. Абрамович е роден во Саратов, СССР и има 48 години.

Како се збогатува?

Заедно со Борис Березовски инвестираат во „Сибнефт“, најголемата руска нафтена компанија. Подоцна, по доаѓањето на Путин на власт, кога Березовски е принуден да ја напушти Русија, го добива поголемиот дел од компанијата. Тој го продава својот удел во „Сибндефт“ во 2005 година. Березовски го тужи за 5 милијарди долари тврдејќи дека бил уценуван да ги продаде акциите во „Сибнефт“.

Имот

Рускиот милијардер поседува неколку големи имоти во Лондон, вклучувајќи и куќа на улицата на милијардерите во англиската престолнина.

Тој, исто така, поседува замок на француската ривиера, а во 2009 година потроши рекордни 90 милиони долари за имот со површина од 70 хектари во Сент Барт.

Минатата година Абрамович сакаше да си ја купи и оваа куќа во Менхетн за 80 милиони долари. Во последен момент сопственичката побара повеќе пари и тој се откажува. Во моментов имотот се дава под наем, а бараната цена е 80.000 долари.

Играчки

До 2014 година тој беше сопственик на најдолгата јахта во светот „Eclipse“, но го престигна јахтата на шеикот Калифа Бил Зајед ал Нахјан. Таа е долга 163 метри и има два базени и сопствена подморница. Цената на ова задоволство е 1,5 милијарда долари.

Се разбира, тој има приватен авион „боинг 767“, кој може да прими 375 лица.

Забави

Кога еден милијардер слави нешто, тој тоа го прави гламурозно. Минатата година Абрамович ги резервира сите 111 соби во луксузниот хотел „Beresheet“ во Тел Авив за да може тој и неговото семејство мирно да слават Пасха.

Во 2013 година  Абрамович прави голема забава за Нова година на островот Сент Бартс. Според таблоидите, забавата го чинела 8 милиони долари. Имало 400 гости, меѓу кои Паф Диди, Џорџ Лукас и др.

Абрамович се движи со придружба и заштита од околу 40 лица. Тие го чинат околу 2 милиони долари годишно.

Хоби

Абрамович, како и многу други Европејци, многу сака фудбал. Разликата меѓу него и останатите е дека тој може да си го купи омилениот тим. Во 2003 година тој го купува Челси и често се појавува на трибините.

Семејство

Женет е двапати и има седум деца. Неговиот прв брак со Олга Јуревна, трае три години (1987-1990).

Вториот е со Ирина Маландина, кој трае од 1991 до 2007 година. Со неа тој има 5 деца.

Во моментов девојка на Абрамович е руската моделка Даша Зукова. Таа има 33 години и во моментов е главен уредник на списанието „Гараж“. Двајцата имаат две деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.