Уапсен руски војник осомничен за убиство на шестчлено семејство

Руски војници распоредени во Ерменија денеска уапсија руски војник осомничен за убиство на шест членови на едно семејство, пренесува Танјуг.

Командата на руски граничари во Ерменија соопшти дека еден војник е приведен денеска додека преминувал од Ерменија во Турција.

Според ерменски претставници војникот Валери Пермјаков, кој служел во руска воена база во Ерменија, дезертирал од својата единица, како и дека постои основано сомневање дека тој вчера извршил убиство на шестчлено семејство во градот Гјумри.

Единствен член на семејството, што го преживеа нападот, е шестмесечно бебе.

Во куќата на убиеното семејство се пронајдени калашников и воени обувки со името на осомничениот војник. Русија, која е главен спонзор и сојузник на Ерменија, изрази сочувство и понуди помош во истрагата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.