Роналдо проговори за односот со Герет Бејл (видео)

Тензијата која ја направија медиумите ширум Европа внатре во Реал Мадрид очигледно не постои.
Добитникот на златната топка Португалецот во Реал Мадрид Кристијано Роналдо, синоќа по доделувањето на наградата за најдобар играч во светот проговори за односот со неговиот согирач од клубот Велшанецот Герет Бејл.
По неколкуте себични игри на Бејл и отворените пцовки на Роналдо во текот на повеќе натпревари, и се погласните шпекулации за неговото заминување од клубот, Роналдо кажа дека се е тоа во знакот на борбата и притисокот кој го чувствуваат играчите на кралскиот клуб.

– Тој е многу важен играч за нашиот тим. Се што се случи е во жарот на борбата. Голем се притисокот и тензиите во текот на еден натпревар. На сите ни се случува да погрешиме во текот на еден меч, и јас грешам. Сите покажуваме што мислиме за време на играта, не ги криеме емоциите, но работите со Герет се сосема нормални – изјави Кристијано Роналдо.

– Сите знаеме дека тој е многу важен играч за тимот, клучен во Реал Мадрид. Сите и понатаму ќе се однесуваат добро према него. Тој ја заслужил сета почит од нас – застана во одбрана на својот соиграч најдобриот играч во светот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.