Утрово во Македонија речиси насекаде во земјава преовладува ведро и студено време со слаб ветер од северен правец.
Од УХМР известуваат дека во 7 часот се измерени следниве минимални температури:
-10 Берово, -9 Лазарополе, -8 Битола и Маврово, -7 Тетово и Кр. Паланка, -6 Прилеп и Крушево, -5 Скопје-Петровец, Охрид и Претор, -4 Куманово, Штип, Д.Капија и Виница, -3 Струмица и Кавадарци, -2 Скопје-Зајчев Рид, 2 Дојран до 3 степени во Гевгелија.
Во текот на денот нѐ очекува сончево време со мала до умерена локална облачност. Ќе дува слаб до умерен северен ветер.
Максималната температура ќе се движи од 3 до 9 степени.
Скопје слично со максимална температура до 4 степени.
Потоа во наредните денови времето ќе биде стабилно со негативна утринска температура, а дневната ќе биде во пораст.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
