Челси осамен на врвот по ремито на Манчестер Сити (видео)

Челси повторно е екипата која е осамена на врвот на табелата во Премиер лигата откако денеска рутински со 2-0 славеше победа над Њукасл, а Манчестер Сити одигра само 1-1 на гостувањето против Евертон.
„Сините“ од Лондон на домашен терен поведоа уште во првото полувреме поточно во 43 минута преку Оскар на одличното додавање на Бранислав Ивановиќ. Вториот погодок беше дело на Диего Коста кој успеа да ја затресе мрежата во 59 минута и да го постави конечниот резултат.

Chelsea vs Newcastle United 2-0 All Goals… by gentaa

Манчестер Сити не успеа да слави победа во Ливерпул против тимот на Евертон ремизирајќи само 1-1 и со тоа му овозможи на директниот конкурент Челси да осамне на врвот на табелата по 21.коло во Премиер лигата.
„Граѓаните“ поведоа преку Фернандињо во 74 минута, но Евертон набрзо возврати со гол четири минути подоцна, а стрелец беше Најсмит.

Everton vs Manchester City (1-1) Full… by rubin7190

Резултати од 21.коло:

Сандерленд – Ливерпул 0-1, Барнли – КПР 2-1, Челси – Њукасл 2-0, Евертон – Манчестер сити 1-1, Лестер – Астон Вила 1-0, Свонси – Вест Хем 1-1, ВБА – Хал 1-0.
Кристал Палас – Тотенхем (18:30ч)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.