Неименуван припадник на Ал Каеда во Јемен соопшти дека таа терористичка група го предводела нападот врз францускиот сатиричен весник „Шарли ебдо“ во Париз, кој како што тврдат, е одмазда за навредата на честа на пророкот Мухамед.
Припадникот во соопштение доставено до американски медиуми, вели дека раководството на огранокот на Ал Каеда во Јемен (Акап) раководело со операциите и исклучително внимателно ја одбрало целта за напади.
На „Твитер“ јеменскиот огранок на Ал Каеда им се закани на Французите со нови напади.
Високиот верски нивни претставник, шеик Харит ал Надари го поздрави нападот во Париз како „благословен“ и ги опиша напаѓачите како „херои муџахедини“.
– Подобро да престанете да ги напаѓате муслиманите за да можете да живеете во мир. Но, ако сакате војна тогаш војувајте, нема долго да уживате во мир се додека војувате против пророкот и муслиманите, наведе Ал Надари на „Твитер“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
