Едита Тахири: Косово не се плаши од Србија

Косово нема зошто да се плаши од Србија, бидејќи таа е „малечка држава со слаба економија“, изјави косовската министерка без ресор Едита Тахири, која е задолжена за дијалогот на Приштина со Белград.

Тахири во изјава за приштинскииот весник „Косово сот“, нагласи дека Приштина е убедена оти ќе ги оствари целите што си ги има поставено во дијалогот со Белград, кој според неа, има проблеми со својата надворешната политика.
­

Порблемот на Србија е во нејзината надворешна политика. Таа сега е во недоумица и дилема меѓу Москва и Брисел, вели Тахири.

Како приоритет на Приштина во односите со Белград, Тахири го посочи спроведувањето на договорот од Брисел во областа на правосудството и во формирањето на Заедницата на српските општини.

Според Тахири, во договорот од Брисел јасно е посочено дека Заедницата на српските општини ќе биде формирана согласно косовските закони и дека нема да има извршна власт. Некои луѓе можеби имаат некакви илузии, но ви гарантирам дека Заедницата нема да има извршни надлежности, истакна Тахири.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.