Десетмина заглавени во брод што тоне, спасувачите не можат да им се доближат

Товарен брод, кој пловел под знамето на „Сент Китс и Невис“ доживеа несреќа недалеку од турското пристаниште Самсун во Црно Море, јави турската телевизија Си-Ен-Ен Турк.

Поради бурата која ја зафати областа, бродот „Галф Рио“, кој пловеше од Украина, се наведнал на едната страна и во него почнала да навлегува вода. Лошото време и бурното море не им дозволуваат на спасувачките тимови да се доближат до бродот. Побарана е помош од воздух.

На палубата на бродот, долг 90 метри, има десетчлен екипаж. Пловилото, кое превезува соја, се наоѓа на околу 50 метри од брегот.

Спасувачката акција продолжува.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.