Експресен авотогол на Алба за пораз на Барса (видео)

Жорди Алба си постигна автогол за само 70 секунди од стартот на мечот во кој Барселона загуби во Баскија од Реал Сосиедад. По една минута и дваесетина секунди левиот бек на Каталонците си ја затресе сопствената мрежа, а во преостанатите 90 минути, сметајќи го и судиското продолжение немаше погодок за трет пораз на Барселона.

За Каталонците неуспехот не е толку трагичен, бидејќи и главниот конкурент за титулата Реал Мадрид загуби од Валенсија со 1-2, па разликата остана иста. Актуелниот европски првак Реал има 39 бода од 16 натпревари, Барса со меч повеќе собра 38 бода, колку што има и актуелниот шпански првак Атлетико Мадрид. Во битката за титулата се вклучија и Валенсија со 34 бода, Севилја со 33 и Вилјареал со 31 бод. Без шанси не е ниту Малага која има 30 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.