Вучиќ: На Србија и претстои сериозна иднина

На Србија и претстои многу сериозна и светла иднина, изјави вечерва српскиот премиер Александар Вучиќ, нагласувајќи дека „во 2016 година граѓаните ќе почувствуваат подобар живот, а Србија ќе стане поздрава држава“.

– Не се занимаваме со трикови. Работиме за иднината и резултатите ќе се видат до мај 2016 година. Мораме да работиме одговорно и сите во Србија, вклучувајќи ме и мене, мораме да се менуваме, да работиме и заработуваме, да добиваме онолку пари колку што работиме, додаде Вучиќ.

Тој повтори дека ниту еден експерт од земјата и странство не е против владините мерки, и дека сите во Европа и светот зборуваат оти Србија е на вистинскиот пат.

– Идните генерации ќе ми бидат благодарни, иако сум сигурен дека на 70-80 отсто од луѓето им е тешко да го разберат и да поддржат она што го работиме, потенцира српскиот премиер.

Вучиќ потенцира дека нема да бара оправдувања за реформите и ќе продолжи да се труди тие да се спроведуваат, истакнувајќи дека „до добри резултати може да се дојде само со работа, труд и пот“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.