Милан и Атлетико се договорија, Торес во Мадрид, Черчи во Милано

Фернандо Торес се враќа дома. Атлетико Мадрид и Милан се договорија, Шпанецот се враќа дома по седум и пол години i повторно ќе го облече црвено-белиот дрес како позајмен играч.
Торес настапуваше за Милан во есенскиот дел од сезоната како позајмен играч од Челси. Позајмицата од Челси ја презеде Атлетико и се обврза да го задржи играчот до крајот на неговиот договор со лондонските „сини“.
Во обратен правец ќе се упати Италијанецот Алесио Черчи, кој направи трансфер во Атлетико Мадрид ова лето, но не успеа да се наметне кај тренерот Диего Симеоне.
Черчи беше поврзуван и со Милан ова лето, но до тој трансфер не дојде. Сега сите три клуба се задоволни од овој договор, како и двајцата играчи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.