(Видео) Мајстор си е мајстор, Владе Дивац погоди од центар за награда од 90 илјади долари

Владе Дивац беше специјален гостин на својот поранешен тим Лос Анџелес лејкерс на дуелот со Голден стејт вориорс, а со ефектниот кош од половина терен ја направи специјална атмосефарата во „Стејплс центарот“. Дивац во стилот на познатите удари за милион долари застана на средината, на центарот од игралиштето и упати прецизен удар со кој доби награда од 90 илјади долари наменети за хуманитарни цели.

Дивац беше член на легендарната постава на Лејкерс од 90-те години на минатиот век заедно со Меџик Џонсон, Бајрон Скот, Џејмс Ворти, Мајкл Купер…. кога во Ел-еј стаса ерата на популарниот „Шоутајм“.

Ноќеска центарот од Србија беше таличен за Лејкерс, екипа што и без главната звезда во тимот Коби Брајант го победи водечкиот клуб во НБА лигата Голден стејт со 115-105.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.