Погодете што ѝ купиле Ким Кардишјан и Кање Вест на ќерката за Божик

Раперот Кање Вест ќе потроши 74.000 долари за божикни подароци за 18- месечната ќерка. Извор на списанието „Хит“ откри дека тој платил 62.000 долари за тијара со дијаманти, а, исто така, и 12.000 долари за играчка, реплика на неговиот црн џип.

Според таткото, тијарата е многу соодветен подарок за неговата ќеркичка бидејќи кога таа ќе почне да се маскира и да се пресоблекува, ќе се чувствува како вистинска принцеза.

Кање нема да ја заборави и неговата сопруга Ким Кардшијан. За Ким тој подготвил дизајнерска облека, чевли, чанти и, се разбира, накит. За сето тоа му помогнал стилист. Не е изненадување дека малата Норт Вест ќе биде претрупана со подароци за Божик. Неодамна нејзината мајка изјави за весникот „Ивнинг стандард“ дека сака нејзината ќерка да ја научи вистинската цена на макотрпната работа.

– Еднаш се запрашав пред пријателите каква ли ќе биде првата работа на Норт. Тие се чудеа дека таа воопшто ќе работи, а јас одговорив дека таа ќе треба многу да се потруди за да го постигне тоа што го сака – рече Ким Кардашијан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.