Албанија и Босна имаат најнизок БДП по глава на жител од 37 држави во Европа, додека Бугарија е најсиромашна држава од Европската унија, соопшти Евростат.
Албанија има најнизок БДП и најниска поединечна потрошувачка меѓу 37 европски држави според извештајот на Евростат.
Извештајот опфаќа 28 држави од Европската унија плус Швајцарија, Исланд, Норвешка, Албанија, Македонија, Србија, Турција, Црна Гора и Босна.
Врз основа на прелиминарни резултати од 2013 година, албанскиот БДП е само 28 отсто од просекот на ЕУ. Босна има 29 отсто од просекот, додека БДП на Македонија е 36 отсто. На Србија БДП е 37 отсто, 40 отсто во Црна Гора.
Хрватска има БДП 61 отсто од просекот во Унијата. Таа држава е и пред Романија (55 отсто) и Бугарија со БДП од 45 отсто од просекот. Евростат наведува дека кога би се зела предвид куповната моќ, Луксембург има највисок БДП меѓу државите членки на ЕУ, кој е повеќе од 2,5 пати отколку просекот во Европската унија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
