Фатете го местачот, Олимпијакос е под истрага за местење, а ги обвини Јувентус и Атлетико за режија

Претставниците на грчкиот првак Олимпијакос тешко ја поднесоа елиминацијата од Лигата на шампионите во конкуренција на Атлетико Мадрид и Јувентус, па ги обвинија овие два клуба дека го режирале исходот во последното коло во меѓусебниот дуел што заврши без голови во Торино.

Со тој резултат понатаму во нокаут-фазата се пласираа и „јорганџиите“ од Мадрид и „старата дама“ од Торино, а на Олимпијакос не му помогна ниту победата од 4-2 против Малме.

Интересно е што Олимпијакос се пожали на местенка, а во Грција токму претседателот на овој клуб е првоосомничен во аферата за наместени натпревари. Евангелос Маринакис го предводи грчкиот шампион, а тој веќе беше приведен од тамошните државни органи и даде изјава по обвинението дека учествувал во лажирање натпревари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.